★回甘滋味★

看山了後換看海～

俗語講，吃魚吃肉嘛愛菜甲，前幾天走一趟泰安溫泉區，欣賞山景溪水了後，這一次，換來海邊迺迺，看一下，海的景色，老人定定咧想，生活佇這咧寶島，實在有夠幸福也，講山就有山景呵看，講海就有海湯看，這款生活環境若哥嫌，真正也呵雷公摃。

平常時的海邊，連一隻胡蠅蠓仔嘛沒，目睭所看到也，麥司攏是阮兜個，詳細想一下，攏不知家己什麼時存剩那多，想著這 那麼大片是家己的，心情（起毛計）實在有夠爽也，嘛體會到，原來好額也感覺著是按也，朋友啊！這一大窟的魚池攏是家己的，免小二、免拍謝，隨時攏歡迎您們來釣魚烘肉兼渡假。

上山嘛一天，下海嘛一天，既然攏來到海邊，海的風景總是要好好給它欣賞，阿是講，在沒掩沒遮的海邊站久，哥有一點熱，雖然是有海風，不過時間若久，頭殼煞有一點暈暈，唉--老伙症頭哥鵝起來，嘛欲晝仔啊，找一下所在，吃一下飯，了後---眠一下，等腳下晡咧，再哥來欣賞一下日頭落海的美景。

上兩天在線上，有看著一些愛翕相的朋友在討論夜翕豎琴橋，無 下晡的日頭落海景色，著移來新竹欣賞，反正都是佇在海邊，沒差。來到新竹這板橋時，已經是4點外，日頭阿炎炎，可能愛哥等一款，佮車岔額好，蒙等蒙欣賞這香山區，海邊溼地的美景。

規排腳架規排人，有夠鬧熱，莫怪這個點那麼出名，有在地人，有遠從台北下來，湖口來也，嘛有像我這按台中來也，有少年嘛有老伙仔，有青春少女，啊嘛有歐巴桑，愛翕相，愛美景的人是越來越多。等啊等，總算來，看一下時間已經是6點外，看逐家架勢攏擺好，開始翕仔，我當然是不可錯過。

來海邊迺迺也，按有哥過了一天，人生 有時甲想起來是譀譀阿，要看腳開咧，做 是一定要做，該當打拼也時存著要打拼，吃 嘛要吃，該當休睏也時著要休睏，歡喜是一天，堅苦嘛是一天，心情放腳開咧，不要想太多，日子自然就好過，就腳自在。